Անհնար է պատկերացնել ժամանակակից մարդու առօրյան առանց այնպիսի անփոխարինելի սարքի, ինչպիսին է բջջային հեռախոսը:
Այս գործիքը վաղուց կատարում է ոչ միայն կապի, այլև ֆոտոխցիկի, տեսախցիկի, գրպանի համակարգչի, ձայնագրման սարքի և շատ ու շատ այլ սարքերի գործառույթներ: Ինչ-որ մեկը կարո՞ղ է ասել, թե օրվա ընթացքում քանի անգամ ենք վերցնում հեռախոսը մեր ձեռքը: Իհարկե կարելի է հատուկ հավելվածների միջոցով հաշվել էկրանի ակտիվ ժամանակը և հասկանալ, թե ինչ դեր ունի հեռախոսը մեր կյանքում: Այդ պատճառով սմարթֆոնի ցանկացած խափանում ընկալվում է որպես լուրջ խնդիր, սակայն դա ամենևին էլ «աշխարհի վերջը» չէ: Այն լուծելու համար կարող եք դիմել Վարպետ հարթակի մասնագետներին, և նրանք կնորոգեն ձեր բջջային հեռախոսը:
Ի՞նչ անել բջջային հեռախոսի անսարքության դեպքում
Հանկարծակի կոտրված սմարթֆոնների շատ սեփականատերեր փորձում են դրանք իրենց ուժերով նորոգել: Սովորաբար խնդրի լուծման այս եղանակն իրեն չի արդարացնում: Ժամանակակից բջջային հեռախոսները բարձր տեխնոլոգիական սարքեր են, ուստի տնային պայմաններում առանց հատուկ գործիքների օգնության հնարավոր է ընդամենը փոխարինել դիմապակու պաշտպանիչ շերտը: Հին մոդելները թույլ էին տալիս ինքնուրույն փոխարինել մարտկոցը, սակայն նոր մոդելները սեփականատերերին զրկեցին նույնիսկ այդ հնարավորությունից: Սմարթֆոնների ցանկացած խափանում կարող են վերացնել միայն սպասարկման կենտրոնի մասնագետները:
Ընդհանուր անսարքություններ
- Բջջային հեռախոսների ամենատարածված անսարքություններն են
- սարքը չի միանում, սառչում կամ անջատվում է ինքնուրույն
- սենսորը չի արձագանքում դիպչելուն
- լսափողից կամ խոսափողից ձայն չկա
- մալուխը կամ ականջակալները միացնելու միակցիչները չեն աշխատում
- հեռախոսն արագ լիցքաթափվում է
- վնասվում է կորպուսը կամ էկրանը
- չի աշխատում Home, միացնելու / անջատելու կամ արգելափակելու, ձայնի բարձրացման / իջեցման կոճակները
Սմարթֆոնների հաճախակի անսարքությունները և դրանց պատճառները
Հեռախոսի խափանումները բաժանվում են երկու հիմնական խմբերի՝ ապարատային և ծրագրային ապահովման:
Բջջային հեռախոսների անսարքությունները տեղի են ունենում ոչ պատշաճ շահագործման կամ գործարանային անսարքության պատճառով:
Սարքավորման ամենատարածված խափանումները ներառում են.
Սենսոր էկրանի վնասում ընկնելուց կամ հարվածից հետո
Մեխանիկական վնասվածքի դեպքում առաջին հերթին տուժում է սենսորը: Այս դեպքում պահանջվում է տվյալ մասի փոխարինում: Եթե հարվածը ուժեղ էր կամ եղել է որոշակի անկյան տակ, վնասվում է ամբողջ համակարգը: Առաջին դեպքում պատկերը առկա է, բայց սենսորը չի արձագանքում հպումներին: Երկրորդ դեպքում պատկերը խեղաթյուրված է ճաքերի «սարդոստայնի» պատճառով կամ ամբողջությամբ բացակայում է:
Այս մասերի փոխարինումը պահանջում է փորձ և ամուր ձեռք: Նախ վարպետները մաքրում են վնասված հատվածը՝ դրա համար օգտագործելով հատուկ սարք, որը հալեցնում է սոսինձը: Կոտրված մասը հեռացվում է, սմարթֆոնը մաքրվում է բեկորներից, յուղազերծվում, այնուհետև նոր էկրանը սոսնձվում է: Այս դեպքում շատ կարևոր է դիսփլեյը կամ սենսորը զգուշորեն, պատշաճ կերպով ամրացնել մակերեսին այնպես, որ մասը հստակ կպչի մարմնին: Հակառակ դեպքում հեռախոսը ճիշտ չի գործարկվի և արդեն վերանորոգման կարիք կունենա:
Ներքին շլեյֆի վնասում
Հարվածի կամ գերտաքացման պատճառով հեռախոսի շլեյֆը կարող է վնասվել: Արդյունքում, հեռախոսը չի լիցքավորվում կամ չի միանում: Այս դեպքում հեռախոսի վերանորոգումը ենթադրում է շլեյֆի փոխարինում կամ սմարթֆոնի վերանորոգում` հատուկ զոդման սարքի միջոցով:
Բարձրախոսների, տեսախցիկի և միակցիչների խափանում
Ուժեղ հարվածից բջջային հեռախոսի արտաքին մասերը կարող են վնասվել. կկոտրվի տեսախցիկի ապակին՝ անհնարին դարձնելով նկարահանումը: Նման մասերը փոխարինելիս կարևոր է ընտրել փոխարինման ճիշտ պահեստամասը: Այն պետք է հստակ համապատասխանի ձեր հեռախոսի մոդելին: Ցանկալի է օգտագործել վերանորոգվող մոդելի օրիգինալ պահեստամաս:
Փոքր օտար առարկաների, կեղտի, փոշու թափանցում սարքի մեջ
Չնայած կորպուսի վրա գործնականում բացակայում են ճեղքերը, սակայն մեծ հավանականություն կա, որ կեղտը և փոշին լցվեն դրա մեջ, ինչպես նաև օտար փոքր առարկաները՝ բաց լիցքավորման և աուդիո խցիկների մեջ: Այս դեպքում սարքը չի ծառայում իր նպատակին կամ չի ապահովում արտաքին մալուխը հեռախոսին միացնելու հնարավորություն:
Սարքի մեջ կեղտի և փոշու ներթափանցման պատճառով սարքը սկսում է գերտաքանալ և անջատվել: Այսպիսի դեպքերում անհրաժեշտ է հեռախոսը մաքրել փոշուց և ախտորոշել սարքավորման ընդհանուր վիճակը:
Հեռախոսի հեղուկով վնասվելը
Հեռախոսի վրա թափված հեղուկի պատճառով խափանումը համարվում է ամենատարածվածներից մեկը: Գաջեթին ջուր, թեյ, սուրճ թափելը կամ սմարթֆոնը ջուրը գցելը աղետալի հետևանքներ է ունենում: Սմարթֆոնների վերանորոգման մասին անհնար է որոշակի բան ասել, քանի որ ջուրը վնասում է ամբողջ ապարատային մասը: Հեղուկը վնասում է միակցիչները, բարձրախոսները, պրոցեսորը և այլ մետաղական կոնտակտները, որոնք ջրի ազդեցության տակ օքսիդանում են:
Կորպուսի արտաքին վնասվածք
Սմարթֆոնի հարված ստանալու կամ ոչ պատշաճ օգտագործման դեպքում ժամանակի ընթացքում կորպուսի վրա հայտնվում են ճաքեր կամ քերծվածքներ: Վնասը մասամբ ազդում է սարքի աշխատանքի վրա, որից հետո բջջային հեռախոսը պահանջում է վերանորոգում:
Կորպուսի փոխարինումը կարող է կատարվել նաև սարքի արտաքին տեսքը բարելավելու համար: Դուք միշտ կարող եք փոխել կորպուսը՝ նույնիսկ ընտրելով այլ գույն և նորացնելով ձեր սմարթֆոնը:
Պրոցեսորի կամ միկրոսխեմաների խափանում
Նման խափանումներն ավելի քիչ են հանդիպում, բայց լինում են: Դրանք առաջանում են հավելվածների և խաղերից հեռախոսի ուժեղ գերբեռնվածության արդյունքում և, որպես հետևանք, միկրոսխեմաների կամ պրոցեսորի գերտաքացման և այրման պատճառով: Նման խափանում տեղի է ունենում նաև էլեկտրաէներգիայի տատանման պատճառով այն ժամանակ, երբ հեռախոսը միացված է լիցքավորման:
Այս դեպքում անհրաժեշտ է փոխարինել այրված մասը: Հաճախ պրոցեսորի փոխարինումն ավելի թանկ է արժենում, քան ինքը հեռախոսը: Այս դեպքում սմարթֆոնի վերանորոգումը գործնականում արդյունավետ չէ:
Ծրագրային ապահովման խափանումները ներառում են.
Ծրագրային ապահովման անսարքություն
Նոր սմարթֆոնները հագեցած են բազմակողմանի, հուսալի եւ դիմացկուն օպերացիոն համակարգով: Սակայն անսարքությունը, ամենայն հավանականությամբ, պայմանավորված է անհայտ աղբյուրներից ծրագրային ապահովման և ծրագրերի ներբեռնումով և տեղադրմամբ, ինչպես նաև ծրագրի ֆայլերի և ծրագրերի ինքնահեռացմամբ: Հաճախ ձախողման պատճառը Google Play հավելվածից խաղերի ներբեռնումն է, քանի որ այս հավելվածն ունի բավականին մեծ թվով չստուգված և վտանգավոր ծրագրեր:
Արդյունքում, հեռախոսը իրեն սխալ է պահում. տաքանում է և սկսում դանդաղ աշխատել, չի միանում, ինքնակամ վերաբեռնում կամ անջատվում է: Այս դեպքում կատարվում է նոր ծրագրային ապահովման փոխարինում:
Բջջային հեռախոսի վերանորոգման քայլերը
Բոլոր անսարքությունները, բացառությամբ վնասված մարտկոցի փոխարինման, վերացվում են նախնական ախտորոշումից հետո: Միայն ախտորոշման արդյունքներով է հնարավոր բացահայտել անսարքության պատճառը, որոշել անհրաժեշտ վերանորոգման աշխատանքների կատարման ժամկետը և արժեքը:
Ախտորոշումը բջջային հեռախոսի վերանորոգման կարևորագույն քայլն է, քանի որ պարտադիր չէ, որ անսարքության պատճառը տեսանելի վնասը լինի:
Ախտորոշումը կարելի է բաժանել երկու փուլի.
- նախնական
- մանրամասն
Նախնական ախտորոշումը թույլ է տալիս բացահայտել անսարքությունները՝ առանց հեռախոսի կորպուսի տակ գտնվող միկրոսխեմաների ուսումնասիրության: Օրինակ՝ ձայնի հետ կապված անսարքություններ, տեսախցիկի վնասվածք (ցուցադրման խափանում), կորպուսի վնասվածք և այլն:
Մանրամասն ախտորոշումներն իրականացվում են հեռախոսի ապամոնտաժման, մանրակրկիտ ստուգման, պլատայի և բոլոր ֆունկցիոնալ սարքերի փորձարկման, ինչպես նաև անհրաժեշտ չափումներ կատարելու և անսարք բաղադրիչների փոխարինման միջոցով:
Հեռախոսի ախտորոշումից հետո դուք ստանում եք ամբողջական գնահատական և տեղեկատվություն սարքի վիճակի, փոխարինման կարիք ունեցող բաղադրիչների, ինչպես նաև գնի մասին:
Սմարթֆոնների ախտորոշումը շատ մանրակրկիտ գործընթաց է, որը պետք է իրականացվի սպասարկման կենտրոնի մասնագետների կողմից` օգտագործելով ժամանակակից սարքավորումներ:
Բջջային հեռախոսների վերանորոգման ծառայությունները
- Սենսորային էկրանի փոխարինում
- Կորպուսի փոխարինում
- Պոլիֆոնիկ բարձրախոսի փոխարինում
- Լսափողի փոխարինում
- Խոսափողի փոխարինում
- Մարտկոցի փոխարինում
- Հեռախոսի չիպերի փոխարինում
- Լիցքավորման միակցիչի փոխարինում
- Համակարգի պլատայի վերանորոգում
- Կոճակների վերանորոգում
- Հետևի կափարիչի փոխարինում
- Զոդման միջոցով տարրերի փոխարինում
- Մաքրում հեղուկից
- Software-ի փոխարինում
- Կոդի բացում
- Լեզվի փաթեթի փոխարինում
Բջջային հեռախոսների վերանորոգում
Տարածել
